مضمون تفصیل

جی ایم سی کینین (Canyon)2022ء: مضبوط، پائیدار اور اعتماد کادوسرا نام

عبدالباسط(یو ایم ٹی، لاہور)

جنرل موٹرز کی چمچماتی، تیز رفتار، خوبصورت، مضبوط اور جاندار گاڑیاں دنیا میں اپنی مثال آپ ہیں- آن روڈ ہو یا آف روڈ ہر طرح کے ٹریک کے مطابق گاڑیاں تیار کی جاتی ہیں- جنرل موٹرز دنیا میں اس وقت سب سے زیادہ گاڑیاں بنانے والا اِدارہ ہے جو مختلف برینڈز کے ساتھ مارکیٹ میں گاڑیاں متعارف کروا رہا ہے- جی ایم سی GMC کے سائے تلے پوری دنیا میں بے شمار کمپنیاں کام کرتی ہیں جو جنرل موٹرز کی گاڑیوں کو بہتر، خوبصورت اور دلکش بنانے میں اپنا کردار ادا کر رہی ہیں- 1998ء میں GMC’s نے اپنے برینڈ کےنام کو مختصر کرتے ہوئے جی ایم سی ٹرک "GMC Truck" سے "GMC" میں تبدیل کر دیا جو آج بھی جنرل موٹرز کی گاڑیوں پر لگایا جاتا ہے- اِس کے علاوہ جنرل موٹرز GM دیگر بہت سارے برینڈز کے ساتھ بھی گاڑیاں بناتی ہے جن میں بُک Buick، کیڈی لیک Cadillac، شیورولٹ Chevrolet، جی ایم سی GMC، ہولڈن Holden اور ولنگ Wulling وغیرہ شامل ہیں-

جنرل موٹرز کے شیورولٹ Chevrolet برینڈ کے تیار کردہ منی ٹرک بے شمار ٹیمیں نیس کار NASCAR ریسز میں دوڑاتی ہیں- اس کے علاوہ جنرل موٹرز کی گاڑیاں (منی ٹرک، کاریں) مختلف ریسز میں حصہ لیتی ہیں اور اپنی موجودگی کا احساس دلاتی ہیں- جن میں ورلڈ ٹورنگ کار چیمپئن شپ (WTCC)، 24 آور آف لی مین (24 Hour of Li Man)، نیس کار NASCAR، سپورٹس کار آف امریکہ (SCCA) اور سپر کار چیمپئن شپ (Super Car Championship) وغیرہ شامل ہیں- اس کے علاوہ جنرل موٹرز ڈرائیورز کو آگاہی اور رہنمائی فراہم کرنے میں بھی کوئی کسر اٹھا نہیں رکھتی-

جنرل موٹرز جہاں دیگر گاڑیاں تیار کرتی ہے وہیں آف روڈ ڈرائیورز کے شوق کو مدِنظر رکھتے ہوئے آف روڈ پک اَپ ٹرک بھی تیارکرتی ہے جو جنرل موٹرزکمپنی کا شاہکار تصور کئے جاتے ہیں- جنرل موٹرز کا ہر ماڈل جدید، خوبصورت اور پُرآسائش ہوتا ہے- اگرسالِ نو کےمختلف ماڈلز کو دیکھا جائے تو جی ایم سی کینیان (GMC Canyon) 2022 جنرل موٹرز کے نظریات کا عکاس نظر آتا ہے- اگر اِس ٹرک کی خصوصیات کا بغور جائزہ لیا جائے تو مندرجہ ذَیل خصائل نکل کر سامنے آتے ہیں- 2.6L اور 3.6L (Optional) گیسولین اور 2.8L ٹربوڈیزل کے آپشنز کے ساتھ یہ ٹرک نہ صرف طاقت کا سر چشمہ ہے بلکہ 6 اور 8 (Optional)سپیڈ آٹو ٹرانسمیشن (6 or 8 Speed Automatic Transmission) اس کی پرفارمنس میں مزید بہتری پیدا کرتی ہے- تین آپشنل انجن اِس کیٹگری کے ٹرک کی اہمیت میں مزید اضافہ کر دیتے ہیں- یہ ایک مِڈ سائز ٹرک ہے جو 7700 پاؤنڈ وزن کھینچنے جبکہ 1580 پاؤنڈ اُٹھانے کی صلاحیت رکھتا ہے- اِتنے وزن کے باوجود اِس کی کاردگردگی میں کوئی کمی نہیں آتی اور ڈرائیور باآسانی اِسے کہیں بھی لے جا سکتا ہے- دیگر خصوصیات درج ذیل ہیں-

خصوصیات

• وہیکل لے آؤٹ (Vehicle Layout)  

Front- Engine, 4WD, 4-Door truck

• اِنجن (Engine)

2.5L/200-hp/(Gasoline), 3.6L/V6/308-hp (Gasoline), 2.8L Turbo Diesel/181-hp

•  ٹرانسمیشن (Transmission)

6 or 8-Speed Automatic

• ویل سائز (Wheel Size)

17-inch and 18-inch (According to Variant)

• تیل کی کھپت (Mile Per Gallon)

                    City= 19 MPG, HWY= 25 MPG, COMB= 22 MPG

مندرجہ بالا خصوصیات کے علاوہ اگر گاڑی کی اندرونی اور بیرونی ساخت کا جائزہ لیا جائے تو اور بہت سارے فیچرز نکل کر سامنے آتے ہیں جو گاڑی کو آرام دہ اور پُرلطف بناتے ہیں- جی ایم سی GMC کا یہ ماڈل بہت ساری خصوصیات میں منفرد نظرآتاہے-

بیرونی ساخت

باہر سے دِکھنے میں یہ گاڑی اِنتہائی خوبصورت ہے جو مختلف رنگوں میں دستیاب ہے- سامنے سے اِنتہائی نفیس لیکن مضبوط گرِل دیکھنے والے کو اپنی طرف متوجہ کرتی ہے جِس پر جی ایم سی GMC واضع طور پر لکھا گیا ہے-

ہیلوگین (Halogen) ہیڈ لائیٹس

گاڑی کی سامنے والی ہیلوگین لائیٹس جدید طرز کی ہیں جو مختلف موڈز پر آن کی جا سکتی ہیں- بوقتِ ضرورت اِنہیں تیز اور مدھم بھی کیا جا سکتا ہے-

فیس کیمرہ (Front Camera)

اِس کیمرے کی مدد سے ڈرائیور گاڑی میں بیٹھے ہی سامنے آنے والی رُکاوٹ کوگاڑی میں لگی ایل سی ڈی سکرین پر دیکھ سکتا ہے-

بیک ویو کیمرے (Back View Camera)

گاڑی کے پچھلی جانب ایچ ڈی کیمرے نصب کئے گئے ہیں جو ڈرائیور کو ہر چیز واضع دِکھاتے ہیں- یہ کیمرے بیک ویو کے ساتھ گاڑی ہُک کرنے میں بھی مدد فراہم کرتے ہیں- کیمرے کو زوم اِن اور زوم آؤٹ بھی کیا جا سکتا ہے-

پاور فولڈنگ سائیڈ ویو مرر (Side View Mirror)

سائیڈ ویو مرر پاور کنٹرولڈ ہونے کی وجہ سے باآسانی ایڈجیسٹ کئے جا سکتے ہیں-

اندرونی ساخت

جنرل موٹرز کا یہ ٹرک اندر سے انتہائی خوبصورت اور آرام دہ ہے جس میں جدید ٹیکنالوجی کا اِستعمال کرتے ہوئے اِسے مزید بہتر بنایا گیا ہےجبکہ کپڑے سے بنی ہوئی سیٹس آرام دہ سفر کا مزہ دیتی ہیں-

پچھلی سیٹس میں سٹوریج

بیک سِیٹس میں سٹوریج کپیسٹی بنائی گئی ہے جو خاص ڈاکومینٹس بحفاظت رکھنے میں مدد دیتی ہے- سِیٹس کی بیک کو ہٹا کر سامان رکھا جا سکتا ہے-

بیک سیٹ فولڈنگ

بوقتِ ضرورت پچھلی سیٹوں کو فولڈ کیا جا سکتا ہے جس سے کافی جگہ بن جاتی ہے اور سامان ایک جگہ سے دوسری جگہ لانا اور لےجانا آسان ہوتا ہے-

پاور وِنڈوز (Power Windows)

گاڑی کی تمام وِنڈوز پاور کنٹرولڈ ہیں جنہیں ڈرائیور باآسانی مینج کر سکتا ہے-

کلائیمیٹ کنٹرول (Climate Control)

گاڑی کے کلائیمیٹ کو کنٹرول کرنے کے لئے آٹومیٹک اور مینول سسٹم لگایا گیا ہے جو ہر طرح سے گاڑی کے ٹمپریچر وغیرہ کو ایڈجیسٹ کرتا ہے-

کارگو باکس (Cargo Box)

ڈرائیور سیٹ کے ساتھ سامان رکھنے کے لئے کارگو باکس بنایا گیا ہے جو قیمتی سامان رکھنے کے کام آتا ہے-

ساؤنڈ سسٹم (Sound System)

چھ اور سات (بلحاظ ویرئینٹ) سپیکرز ساؤنڈ سسٹم کومزیدار اور بہتر بنا دیتے ہیں جودورانِ ڈرائیونگ ڈرائیور کے جوش کو بڑھانے میں اہم کردار ادا کرتے ہیں-

گاڑی میں اِن کے علاوہ اور بھی کافی سہولیات فراہم کی گئی ہیں جِن میں

• پاور ڈرائیور سیٹ
• پاور پیسنجر سیٹ
• آگے اور پیچھےحفاظتی ائربیگ
• سیٹلائیٹ ریڈیو سسٹم
• کی لیس انٹری
• وائرلیس چارجنگ پیڈ
• ایپل کارپلے
• بلیوٹوتھ فون پیئرنگ سسٹم
• ڈے ٹائم رننگ لائیٹس Daytime Running Lights (DRLs))
• کروز کنٹرول
• نیوی گیشن سسٹم
• اے ایم (AM) اور ایف ایم (FM) سسٹم
• پارکنگ سینسرز
• ڈِسک بریک سسٹم(Automatic Applies Breaks)
•  ٹائر پریشر مونیٹرنگ سسٹم (Tire Pressure Monitoring System)

سیفٹی فیچرز

 گاڑی اور ڈرائیور کی حفاظت کو مدِنظر رکھتے ہوئے بہت سارے سیفٹی فیچرز متعارف کروائے گئے ہین جِن میں چند ایک درج ذیل ہیں-

لین چینج الرٹ (Lane Change Alert)

روڑ پر چلتے ہوئے اگر گاڑی لین تبدیل کر جائے تو سسٹم فوراًآن ہو جاتا ہے اور الارم بجنا شروع ہو جاتا ہے-

لین کیپ اسسٹ (Lane keep Assist)

یہ سسٹم گاڑی چلاتے وقت ڈرائیور کو مدد فراہم کرتا ہے تا کہ گاڑی اپنی لین سے باہر نہ جائے-

فرنٹ کولیئشن الرٹ (Front Collision Alert)

یہ سسٹم ڈرائیور کو سامنے موجود کسی بھی گاڑی کے متعلق آگاہی دیتا ہے تا کہ حادثات سے بچا جا سکے-

ریئر کراس ٹریفک الرٹ (Rear Cross Traffic Alert)

کوئی بھی گاڑی جب اِس ٹرک کو اوور ٹیک کرتی ہے تو یہ سسٹم ڈرائیور کو الرٹ جاری کرتا ہے تاکہ حفاظت کے پیشِ نظر احتیاط برتی جائے-

اِن کے علاوہ اور بھی مزید بہت ساری خصوصیات ہیں جو جنرل موٹرز نے خاص طور پر اِس گاڑی میں شامل کیں ہیں جن کا مزید جائزہ لیا جا سکتا ہے- جی ایم سی GMC کا یہ ماڈل مندرجہ بالا خصوصیات کی بنیاد پر باقی آف روڈ ٹرکسں میں خاص اہمیت کا حامل ہے اور اپنے چلانے والے کو اپنا گرویدہ بنا لیتا ہے-

فوٹو کریڈٹ: https://www.truecar.com/ford/maverick/